PIKTURA “PA TITULL XI”, 1975 NGA WILLEM DE KOONING

Willem de Kooning njihet për telajot e tij emotive, gjestuale që transhendojnë përkufizimet tradicionale të figuracionit dhe abstraksionit. Në fund të viteve 1960 dhe fillim të viteve 1970, ai e largoi vëmendjen e tij nga piktura, duke u fokusuar tek skulptura, printimet dhe vizatimet. Në vitin 1975, në moshën 71 vjeçare, de Kooning filloi një nga periudhat më produktive të pikturës në karrierën e tij, duke përfunduar me shpejtësi 20 telajo të reja, të mëdha brenda 6 muajve.

 

Piktura “Pa titull XI” i përket kësaj serie, e cila ishte, me disa përjashtime, pa titull dhe e numëruar në mënyrë kronologjike. Duke u larguar nga kompozimet e organizauara ngushtësisht, de Kooning përdori penelata të lira dhe të zbutura, ngjyra sensuale për të çliruar formën. Këtu, referencat figurative që janë dominante në veprën e tij të hershme thuajse humabsin në një peisazh abstrakt shumë më lirik dhe të gëzueshëm.       

 

Burimi: https://www.willem-de-kooning.org/untitled-xi.jsp

 

Përzgjodhi dhe përktheu – Enkeleda Suti.  

 

 

 

Comments

Popular Posts