Jam me fat që ujqërit
U zhdukën nga aty rastësisht
Apo që u arratisa nga ushtria
UNË NUK KAM LUAJTUR ASNJË ROL NË JETËN TIME, ME PËRJASHTIM TË
KUR AJO MË MËSOI HIMNET E SAJ
UNË THASHË: A KA MË SHUMË?
Unë nuk do të kisha qenë një dallandyshe
Edhe nëse era do të kishte dashur
Dhe era është fati i udhëtarit…
Unë udhëtova në Veri, në Lindje, dhe në Perëndim
Por Jugu ishte i largët dhe rebel për mua
Sepse Jugu është vendi im
Kështu që, u bëra metaforë dallandysheje
Duke fluturuar përmbi vetë vjeshtat dhe pranverat e mia
Duke i pagëzuar pendët e mia me retë e liqenit
Dhe duke i çuar bekimet e mia
Nasserite-save që nuk vdesin
Sepse brenda tyre është fryma e Zotit
Zoti është fati i Profetit
Unë jam me fat që jam një fqinj hyjnor
Është fati im i keq që kryqi
Është shkalla e përjetshme e së nesërmes tonë!
Lojtari i zareve nga Mahmoud Darwish
Perzgjodhi dhe perktheu Enkeleda Suti