Dikush po thoshte diçka rreth hijeve që mbulojnë fushën
Se si gjërat kalojnë
Se si fle njeriu drejt mëngjesit
Dhe mëngjesi kalon
Dikush po thoshte se si vdes era
Por ajo rikthehet
Se si guckat janë qivurët e erës
Por moti vazhdon
Ishte një natë e gjatë
Dhe dikush tha diçka
Rreth hënës që derdhte të bardhën e saj
Në fushat e ftohta
Se nuk kishte asgjë përpara
Por më shumë nga të njëjtat
Dikush përmendi një qytet ku ajo kishte qenë përpara luftës
Një dhomë me dy qirinj kundrejt një muri
Dikush duke vallëzuar
Dikush duke parë
NE FILLUAM QË TË BESONIM
SE NATA NUK DO TË PËRFUNDONTE
Dikush po thoshte se muzika
Kishe përfunduar dhe askush nuk e kishte vënë re
PASTAJ DIKUSH THA DIÇKA RRETH PLANETEVE
RRETH YJEVE
SE SA TË VEGJËL QË ISHIN
SE SA LARG…
NGA FESTA E GJATË E TRISHTË nga MARK STRAND
Përzgjodhi dhe përktheu Enkeleda Suti
Fotografia @__maena_