Ka mjaft tradhëti, dhunë të urryer, absurditet mesatar
Qenie njerëzore për të furnizuar çdo ushtri, në çdo ditë të dhënë
Dhe më të mirët për të vrarë, janë ata që predikojnë kundër saj
Dhe më të mirët për të urryer, janë ata që predikojnë dashuri
Dhe më të mirët në luftë, në fund, janë ata që predikojnë paqe
Ata që predikojnë Zotin, kanë nevojë për Zot
Ata që predikojnë paqe nuk kanë paqe
Ata që predikojnë dashuri nuk kanë dashuri
Kujdes nga predikuesit
Kujdes nga të gjithëditurit
Kujdes nga ata që lexojnë gjithë kohës libra
Kujdes nga ata që ose e urrejnë varfërinë
Ose krenohen prej varfërisë
Kujdes nga ata që lëvdojnë shpejt
Sepse ata kanë nevojë për lëvdim në këmbim
Kujdes nga ata që censurojnë shpejt
Ata kanë frikë nga ajo që nuk dinë
Kujdes nga ata që janë në kërkesë të vazhdueshme për turma
Sepse ata vetëm janë asgjë
Kujdes nga burri dhe gruaja mesatare
Kujdes, dashuria e tyre është mesatare
Ata kërkojnë hakmarrje
Por në urrejtjen e tyre ka gjenialitet
Ka mjaftueshëm gjenialitet sa për t’ju vrarë
Për të vrarë këdo
Duke mos dashur vetmi
Duke mos e kuptuar vetminë
Ata do të përpiqen të shkatërrojnë çdo gjë
Që ndryshon nga ata
Duke mos qenë në gjendje të krijojnë art
Ata nuk do ta kuptojnë artin
Ata do ta konsiderojnë dështimin e tyre ashtu si krijuesit
Vetëm si dështim të botës
Duke mos qenë të aftë për të dashur plotësisht
Ata do të besojnë se dashuria juaj është gjysmake
Dhe pastaj ata do të të urrejnë
Dhe urrejta e tyre do të jetë e përsosur
Si një diamant që shkëqen
Si një thikë
Si një tigër
Si një kukutë
Arti i i tyre më i shkëlqyer
Nga Charles Bukowski
Burimi: https://www.youtube.com/watch?v=Jvv8SK66_Eo
Përzgjodhi dhe përktheu – Enkeleda Suti
