Ti fle në errësirë
Ti me kurrizin që dua
Dhe dhuntinë e gjumit
Nëpër netët e mia të zhurmshme me poezi
Kam marrë burra të tjerë në mendimet e mia
Qëkur jam takuar me ty
Kam dashur pjesë të tyre
Por vetëm ti fle nëpër errësirë
Si një mal ku është mbjellë shtëpia ime
Si një shkëmb ku qëndron tempulli im
Si një fjalor i madh që mban çdo fjalë
Madje edhe disa
Që si kam folur kurrë
Ti frymon
Faqet e ëndrrave të tua janë të shfrenuara
Nga erërat e shkrimeve të mia
Jastëku të përkëdhel faqen
Teksa unë mbuloj faqet
Element ku notoj
Apo fluturoj unë
MUZË E HESHTUR, SHTYLLË KURRIOZORE, SHOK JETE
Nuk është e modës
Që t’i rrëfehemi martesës
E megjithatë, unë nuk ndjej asnjë lidhje
Në këtë ajër që ne ndajmë
Poezia “Për tim shoq”
Nga Erica Jong
Përzgjodhi dhe përktheu Enkeleda Suti