Zemra ime i hapet zërit tënd
Siç i hapen lulet
Puthjeve të agimit!
Por, i dashuri im,
Që të thahen më mirë lotët e mi,
Flit sërish!
Thuamë që po rikthehesh
Tek Delia jote përgjithmonë!
Përsëritmë ëmbëlsisht
Premtimet e dikurshme,
Ato premtimet që i adhuroja!
Ah! Përgjigjiu ëmblësisë sime!
Mbushmë me ekstazi!
Ashtu siç vërehen majat
E flokëve të grurit që dridhen
Nën erën e lehtë,
Ashtu dridhet edhe zemra ime,
Gati për t’u ngushëlluar,
Nga zëri yt që është kaq shumë i dashur për mua!
Shigjeta është më pak e shpejtë
Për të më sjellë vdekjen,
Sesa i dashuri ime
Që fluturon tek krahët e mi!
Ah! Përgjigjiu ëmblësisë sime!
Mbushmë me ekstazi!
Aria ‘Mon cœur s’ouvre à ta voix’ është një aria e famshme për mezzo soprano nga opera ‘Samson dhe Dalia’ nga Camille Saint-Saens, 1877.
Përzgjodhi dhe përktheu Enkeleda Suti