Ate nate kur ti nuk erdhe
Une nuk fjeta, por dola shpesh para porte
Binte shi dhe u futa serish brenda
Atehere nuk e dija: por tani e di
Ajo nate ishte si netet e tjera me vone
Kur ti nuk erdhe me, dhe une nuk flija
Dhe thuajse nuk prisja me
Vetem se shpesh shkoja para porte
Ngaqe aty binte shi e ishte ftohte
Mirepo pas atyre neteve dhe vite te tjera me pas
Degjoja kur binte shi hapat e tu
Para portes dhe ne shi zerin tend
Te degjoja se si qaje te qoshka e ftohte
Sepse s’vije dot brenda
Ndaj shume shpesh jam cuar naten
Dhe kam shkuar para portes, e kam hapur
Dhe kam futur brenda kedo qe qe pa atdhe
Hynin keshtu brenda lypsa, kurva, llum i fundit
Njerez turilloj
Tani shume vite kane shkuar, edhe kur ndodh
Qe bie shi dhe ere fryn
Dhe ti neper nate vjen, e di
S’do te njoh me, as zerin tend jo
As fytyren, sepse gjerat kane ndryshuar
Prapeseprape ende degjoj hapa ne ere
Dike qe qan ne shi, dike
Qe do te vije brenda
Dhe me vjen te dale jashte para porte
Qe ta hap, te shikoj nese dikush ka ardhur
Por nuk cohem jo, nuk shkoj perjashte
Nuk dal te shikoj
Dhe as nuk vjen ndokush.
Nga Bertolt Brecht
Perkthyer nga Ardian Klosi.
Piktura, Lutja nga Gazmend Leka