Filozofitë nga Dorothea Lasky

Ai burri që vret gruan e tij

Nuk është njësoj si ai burri
Që del vërdallë dhe vret një të huaj
Unë jam një grua, por unë nuk jam
Si gjithë gratë e tjera
Politika e identitetit është një broçkull
Është vetëm e mira dhe e keqja
E mira dhe e drejta
Është vetëm një ngjyrë në tokë
Në degradimet e tij të pafundme ato bëhen muzikë dhe matematikë
Ka mut në duart e mia
Kur kam qenë duke luajtur me specifika
Duaje të dashurin tënd. Ti je i dashuri
Me çdo frymë që Zoti ka vendosur një besim të artë
Përmbi malet e borta të botës
Këtu, shiko malet e borta
Që shkëlqejnë nga bora
Ato janë më të mençura nga sa mendon ti
Dhe në shpirtin tënd, kafshët e vogla gri
Të botës ulen dhe presin që të bëjnë mirë
Për ty dhe së bashku
Ne jemi një gjë, që blegërijmë një
Ninullë të zymtë, të zhurmshme për
Ëngjëjt e shthurur rozë
Përmbi një mal
Ëngjëjt buzëqeshin teksa shtrijnë
Këmbët e tyre shumë të gjata, duke menduar për ne
Dhe të mençur mund të duken ata, ne dhe ëngjëjt
Por në të vërtetë vetëm Zoti është i mençur
Filozofitë nga Dorothea Lasky
Përzgjodhi dhe përktheu Enkeleda Suti
Piktura, Napoleon Bonaparte nga Gazmend Leka

Comments

Popular Posts