Nga REVISTA ARTPSER
Pjesa më e madhe e karrierës së Goya-s është relativisht
konvencionale, por nga fundi i jetës, krijmtaria e tij mori një kthesë shumë të
errët. Rreth moshës 70 vjeçare, në moshën 70 vjeçare, Goya u tërhoq në vilën e
tij dhe pikturoi vepra të tmerrshme mbi mure. Aty mund të lexohet dëshpërimi i
një njeriu të dobësuar (ai humbi dëgjimin shumë shpejt pas moshës 50 vjeçare),
i cili ishte nga fundi i jetës së tij. Këto vepra, të quajtura “pinturas
negras” (Piktura të Zeza) reflektojnë gjithashtu një torturë lidhur me situatën
në Spanjë. Në të vërtetë, Goya ishte dëshmitar i suksesionit të luftrave napoleoniane
dhe ndryshimit të qeverive spanjolle. Ai lejoi që pesimizmi i tij të pushtonte
muret e vilës së tij dhe ai shkroi këtë fjali ikonë: “El sueño de la razón
produce monstrous” (përgjumja e arsyes prodhon përbindësha).
Kryevepra e tij “Saturni përpin të birin” është një
shembull i këtyre 14 “Pikturave të Zeza” të prodhuara ndërmjet viteve 1819 dhe
1823. Ky portret i përgjakshëm mbetet gjithashtu një nga veprat më të frikshme
të historisë së artit. Ai është një mishërim i çmendurisë kanibale duke
reflektuar, pa asnjë dyshim, vetë sëmundjen e artistit. Një vepër tjetër nga
kjo seri e pikturave të Goya-s, “Dy pleq duke ngrënë supë”, paraqet dy burra me
pamje të përbindshme. thuhet se kjo seri ka kontribuar në fillimin e Romantizmit.
Në të vërtetë, megjithëse këto piktura kategorizohen si historike, duke qenë se
shumica e tyre janë marrë nga mitet antike, konteksti i tyre i bën ato vepra
Romantike; ato përfaqësojnë ndjenjat personale të një artisti të torturuar, të
munduar.
Piktura 1: Dy pleq duke ngrënë supë, 1823, Francisco de
Goya
Piktura 2: Saturni duke përpirë të birin, 1819-23, Francisco
de Goya
Burimi:https://blog.artsper.com/en/a-closer-look/the-stories-behind-goyas-paintings/
Përzgjodhi
dhe përktheu – Enkeleda Suti
